၂၀၂၂ အရာတော်၊ဒီဇင်ဘာ ၈
စစ်ကိုင်းတိုင်းဒေသကြီး၊ အရာတော်မြို့နယ်၊ ကျွန်းဖိုကျေးရွာ၊ မုံရွာ-အရာတော်-ရွှေဘိုကားလမ်းအနီးတွင် PDF များ၏ မိုင်းဆွဲတိုက်ခိုက်မှုကြောင့် ခရီးသည်ယာဉ်ပျက်စီးပြီး အပြစ်မဲ့ပြည်သူ သုံး ဦး ကျည်ထိမှန်ပြင်းထန်စွာ ဒဏ်ရာရခဲ့သည်ဟုသိရသည်။
ဒီဇင်ဘာ၆ရက် ညနေ ၅ နာရီခွဲခန့်တွင် အရာတော်မြို့နယ်၊ ဝါးတန်းကျေးရွာအုပ်စု၊ ကျွန်းဖိုပင်ကျေးရွာအနီး မုံရွာ-အရာတော်-ရွှေဘို ကားလမ်း မိုင်တိုင်အမှတ်(၁၉/၂) အနီးတွင် ဂျိမ်းဖောသူ ခရီးသည်ယာဉ်အား PDF များက မိုင်းဆွဲတိုက်ခိုက်ခဲ့ပြီး လက်လုပ်သေနတ်များဖြင့် တရပ်စပ် ပစ်ခတ်ခဲ့ရာ ၎င်းခရီးသည်ယာဉ်မောင်းမှာ ခရီးသည်များ အသက်ဘေးမှ လွတ်မြောက်ရန်အတွက် ကျည်ထိမှန် ဒဏ်ရာရလျက်ပင် မောင်းနှင်ထွက်ပြေးခဲ့ပြီး PDF များရန်မှ လွတ်မြောက်ခဲ့သည်။
၎င်းPDFများ၏ မိုင်းဆွဲတိုက်ခိုက်ခဲ့မှုကြောင့် ခရီးသည်ယာဉ်မှာ လေကာများ ပျက်စီးခဲ့ပြီး အပြစ်မဲ့ပြည်သူ သုံးဦး ကျည်ထိမှန် ဒဏ်ရာများ ရရှိခဲ့ကြောင်း သိရှိရသည်။
