ရန်ကုန်၊ နိုဝင်ဘာ ၂၇
မိမိမဲပေးသည့် ပါတီက နိုင်ငံတော်အာဏာကိုရပြီး ပြည်သူ့အကျိုးလက် တွေ့ဆောင်ရွက်ပေး နိုင်မှသာ မဲပေးရကျိုး နပ်မည်ဖြစ်ကြောင်း ကျိုင်းတုံမြို့နယ် ပြည်သူ့လွှတ်တော်ကိုယ်စားလှယ်လောင်း ဦးသန်းထွန်းဦးက ပြောသည်။
"ငါးနှစ်တစ်ကြိမ် ရွေးကောက်ပွဲတွေ ကျင်းပတဲ့အခါမှာ မဲတွေပေးကြတယ်။ ရွေးကောက်ပွဲ သုံးကြိမ်ကျင်းပခဲ့တဲ့နေရာမှာ ဘယ်ပါတီက တိုင်းပြည်အကျိုးကို ဆောင်ရွက်နိုင်သလဲ။ ဘယ်ပါတီက ကိုယ်စားလှယ်ကို မဲပေးရွေးချယ်ဖို့ သင့်သလဲဆိုတာ ပြည်သူတွေအနေနဲ့ အတွေ့အကြုံရှိပြီး သိပြီးသား ဖြစ်ပါတယ်။ ကိုယ်ပေးချင်တဲ့ပါတီ၊ ကိုယ်ပေးချင်တဲ့ ကိုယ်စားလှယ်လောင်း တကယ်ပဲ ကိုယ့်ဒေသအ ကျိုးကို သယ်ပိုးချင်တဲ့ ဆန္ဒရှိသူလား၊ သူ့မှာ အလုပ်အကိုင်အတွေ့ အကြုံရှိသူလား ဒါကိုလည်း ကြည့်ဖို့လိုပါတယ်။ အားလုံးက မဲပေးတဲ့နေရာမှာ ရွေးချယ်မှုက အင်မ တန် အရေးကြီးပါတယ်။ တိုင်းရင်းသားပြည်သူတွေရဲ့ ရွေးချယ်မဲပေးမှုက ကျိုင်းတုံမြို့ရဲ့အကျိုးကို ဆောင်ရွက်တာ လည်းဖြစ်ပါ တယ်။ တစ်ဦးချင်း တစ်ဦးချင်းက ဘယ်ပါတီ၊ ဘယ်ကိုယ်စားလှယ်ကို မဲပေး တယ်ဆိုတာသည် ကိုယ့်ဒေသရဲ့ အကျိုးဆောင်တဲ့သူကို ရွေးချယ်တာဖြစ်တဲ့အတွက် တစ်ဦးချင်းရဲ့ မဲပေးမှုက ကိုယ့်ဒေသအကျိုး၊ ကိုယ့်တိုင်းပြည်အကျိုးအတွက် စွမ်းဆောင်တာ ဖြစ်ပါတယ်။ အဲဒီအတွက် ကိုယ်မဲပေး ချင်တဲ့ ပါတီကိုယ်စားလှယ်ကိုလည်း စက်ခလုတ်နဲ့ မဲပေးတဲ့အခါမှာ မလွဲမမှားအောင် မှန်မှန်ကန်ကန် မဲပေးနိုင်ဖို့ လိုပါတယ်။
ကိုယ်မဲပေးတဲ့ပါတီက နိုင်ငံကို ဦးဆောင်မယ့် ပါတီဖြစ်ဖို့လိုတယ်။ ကိုယ်မဲပေးတဲ့ ပါတီက နိုင်ငံကို ဦးဆောင်ခွင့်မရခဲ့ရင်လည်း သူ့အသံကို သက်ဆိုင်ရာ အစိုးရက နားထောင်ပြီး လုပ်ပေးမှာ မဟုတ်ဘူး။ အဲဒါကြောင့် အစိုးရဖြစ်မယ့် ပါတီကို မဲပေးနိုင်ဖို့ လိုသလိုပဲ တကယ်လုပ်ဆောင်ပေးမယ့် ကိုယ်စားလှယ်ကိုလည်း မဲပေးနိုင်ဖို့ လိုတယ်ဆိုတာကို နားလည်အောင်ရှင်းပြလိုပါတယ်။ ကိုယ်မဲပေးတဲ့ ပါတီက နိုင်ငံတော်ရဲ့အာဏာ ရတော့ရပါတယ်။ သို့သော်လည်း အမှန်တ ကယ်ပြည်သူတွေရဲ့ အသံကိုတင်ပြတဲ့သူရှိမှ၊ တင်ပြတတ်မှ အမှန်တကယ်တင်ပြပြီး လက်တွေ့ ဆောင်ရွက်ပေးနိုင်မှ မဲပေးရ ကျိုးနပ်မှာ ဖြစ်ပါတယ်"ဟု ၎င်းကပြောသည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ကိုယ်စားပြု ဝင်ရောက်ယှဉ်ပြိုင်ကြမည့် ကျိုင်းတုံမြို့ နယ်ရှိ လွှတ်တော်ကိုယ်စား လှယ်လောင်းများသည် လူထုထောက်ခံမှု တခဲနက် ရရှိထားပြီးဖြစ်သည်။
ရွေးကောက်ပွဲတွင် အနိုင်ရ၍ လွှတ်တော်ထဲ ရောက်လျှင် ကျိုင်းတုံဒေသကို ပိုမိုဖွံ့ဖြိုးတိုးတက်အောင် ဆောင်ရွက်ပေးမည်ဖြစ်ကြောင်း ကျိုင်းတုံမြို့နယ် ပြည်သူ့လွှတ်တော်ကိုယ်စားလှယ်လောင်း ဦးသန်းထွန်းဦးက ကတိပြုထားသည်။ ကွန်းဈာန်
