ရန်ကုန်၊ နိုဝင်ဘာ ၂၄
    ကုန်တင်ယာဉ်ကြီးများ၊ ခရီးသည် တင်ယာဉ်များ လွယ်ကူချောမွေ့စွာသွားလာ အသုံးပြုနိုင်ရေးအတွက် ရှမ်းပြည်နယ် (တောင်ပိုင်း)ရှိ လမ်းများကို အဆင့်မြှင့်တင် ဆောင်ရွက်နေကြောင်း ဆောက်လုပ်ရေးဝန်ကြီးဌာန၊ လမ်းဦးစီးဌာနနှင့် နီးစပ်သူ ဝန်ထမ်းတစ်ဦးက ပြောသည်။
    "ရှမ်းတောင်မှာရှိတဲ့ လမ်းတွေကို ကတ္တရာခင်းတယ်။ ထပ်ပိုးလွှာတွေ ခင်းတယ်။ နောက် ချဉ်း ကပ်လမ်းတွေကိုလည်း မပြတ်ဆောင်ရွက်နေပါတယ်။ ကွန်ဟိန်းမြို့ နယ်မှာရှိတဲ့ ခိုလမ်တို့၊ တာကော် တံတား အခြေတို့ကနေစပြီး နမ့်စန်မြို့ နာရီစင်အထိ ဆောက်လုပ်ရေးဝန်ကြီးဌာနမှ တာဝန်ယူ ဆောင်ရွက်နေပါတယ်။ နမ့်စန်မြို့ နာရီစင်ကနေ တောင်ကြီး အထိကတော့ နေမင်းအောင် ကုမ္ပဏီက BOT စနစ်နဲ့ ဆောင်ရွက်နေပါတယ်"ဟု အဆိုပါ ဝန်ထမ်းက ရှင်းပြသည်။
    ကုန်တင်ယာဉ်နှင့် ခရီးသည်တင် ယာဉ်ကြီးများ အသုံးပြုလျက်ရှိသည့် ကွန် ဟိန်းမြို့နယ်မှ တောင်ကြီးမြို့အထိ တောင် အဆင်းအတက်လမ်းပိုင်းများတွင် စက်ယန္တ ရားများ၊ လူအင်အားတို့ဖြင့် ဆောင်ရွက်နေ သည်ကို နိုဝင်ဘာ ၂၃ ရက်က မြင်တွေ့ခဲ့ရကြောင်း ခရီးသွားပြည်သူတစ်ဦးက  ပြောသည်။
    "နမ့်စန်မြို့အထွက်ကနေ တောင် ကြီးသွားတဲ့လမ်းမှာ တောင်အဆင်းအတက် လမ်းတစ်လျှောက် စက်တွေနဲ့ လမ်းချဲ့နေတာ။ လမ်းတွေ ပြင်နေတာကို နေရာတော် တော်များများမှာ တွေ့ခဲ့ရပါတယ်}}ဟု ခရီးသွားတစ်ဦးက ပြောသည်။
    ရှမ်းပြည်နယ်(တောင်ပိုင်း)နှင့် အရှေ့ပိုင်းတို့ရှိ လမ်းပိုင်းများကို နှိုင်းယှဉ် ကြည့်လျှင် တာကော်တံတား အကျော်မှစ၍ အရှေ့ပိုင်းဘက်သွားလမ်းများ ကြမ်းနေပြီး တောင်ပိုင်းဘက်သွားလမ်းများ ကောင်းမွန်နေကြောင်း ယာဉ်မောင်းတချို့ကပြောသည်။ ရှမ်းတောင်ရှိ လမ်းပိုင်းတော် တော်များများ ကောင်းမွန် နေသော်လည်း ရှမ်းအရှေ့ပိုင်းရှိ မိုင်းပျဉ်းမှ ကွန်ဟိန်းမြို့နယ်ရှိ တာကော် တံတားအထိ လမ်းများကြမ်း နေကြောင်း၊ ထို ခရီးလမ်းတွင် မောင်းချိန် သုံးနာရီခွဲမှ လေးနာရီအထိ ကြာမြင့်နေပြီး ကားနားခြင်း၊ လမ်း မကောင်း၍ ခရီးသွားများ အချိန်မီ မရောက်ခြင်း၊ အချိန်ကြန့်ကြာ နှောင့်နှေးခြင်းများ ကြုံတွေ့နေရ ကြောင်း ယာဉ်မောင်းတစ်ဦးက ပြောသည်။ နဒီ