ရန်ကုန်၊ နိုဝင်ဘာ ၂၇
    ရွေးကောက်ပွဲတွင် ရန်ကုန်တိုင်း ဒေသကြီးအတွင်း စက်ရုံအလုပ်ရုံ အသီးသီးမှ အလုပ်သမားများ ကို နိုင်ငံရေးပါတီကြီး တစ်ခုအား မဲပေးရန် ဖိအားပေးနေကြောင်း ပြည်ဖျက်မီဒီယာများက လုပ်ကြံဖန်တီး သတင်းထုတ်လွှင့်ခြင်းသာဖြစ်ပြီး အလုပ်သမားများနှင့် အလုပ်ရှင်အပေါ် မည်သည့် ဖိအားမျှပေးထားခြင်း မရှိကြောင်း ရန်ကုန်တိုင်းဒေသကြီး ချုပ်လုပ်မှုလုပ်ငန်း တိုင်းဒေသကြီး အလုပ်သမားအဖွဲ့အစည်း၏ ဥက္ကဋ္ဌ ဦးဇော်ဇော်အောင်က ပြောသည်။
    လူမှုကွန်ရက်တွင် ပြည်ဖျက်မီဒီ ယာများက ပြည်တွင်းစက်ရုံအလုပ်ရုံများရှိ အလုပ်ရှင်မှတစ်ဆင့် အလုပ်သမားများကို  နိုင်ငံရေးပါတီကြီး တစ်ခုအား မဲပေးရန် ဖိအားပေးကြောင်း သတင်းမှားများ ထုတ်ပြန်ရေးသားခြင်းသာဖြစ်ပြီး မြေပြင်အခြေအနေတွင် ထိုကဲ့သို့ဖြစ်စဉ်များ လုံးဝ(လုံးဝ)မရှိကြောင်း ဦးဇော်ဇော်အောင်က ပြောသည်။
    "ဒီသတင်းကို ပြည်ပမီဒီယာ တစ်ခုကတင်ထားတာ တွေ့ပါတယ်။ ကျွန်တော်ဆိုရင် အလုပ်သမား အဖွဲ့အစည်းရဲ့ တိုင်းဥက္ကဋ္ဌတစ်ဦးဖြစ်သလို လက်ရှိမှာလည်း စက်ရုံတစ်ခုရဲ့ မန်နေဂျာအဖြစ် ထမ်းဆောင် နေပါတယ်။ ဒီသတင်းဟာ လုပ်ကြံဖန်တီးပြီး အလုပ်သမားထုကို ပစ်မှတ်ထားပြီးရေးသားဖြန့်ဝေတဲ့ သတင်းပဲ ဖြစ်ပါတယ်။ အလုပ်ရှင်တွေအပေါ် ဘာဖိအားမှ မရှိသလို၊ အလုပ်သမားတွေအပေါ်လည်း ဖိအားမရှိပါဘူး။ နိုင်ငံ တော် အကြီးအကဲကိုယ်တိုင်က ပြော ထားတာရှိပါတယ်။ မဲပေးဖို့ အခွင့်အရေးရှိတယ်။ မဲပေးတာ၊ မပေးတာ မဲဆန္ဒရှင်ရဲ့ဆန္ဒ ပဲဆိုပြီး ပြောထားပါတယ်။ ဒါဒီမိုကရေစီကို ပြသတာပါပဲ။ ဘာဖိအားမှ မရှိပါဘူး"ဟု ဦးဇော်ဇော်အောင် က ပြောသည်။
    ထို့အပြင် ပြည်တွင်းဖိနပ်စက်ရုံ တစ်ခုတွင်လုပ်ကိုင်နေသော လုပ်သားတစ်ဦးကလည်း "ကျွန် တော်တို့ကို ဟိုပါတီမဲထည့်ပါ၊ ဒီပါတီမဲထည့်ပါဆိုပြီး ဘယ်ပါတီကမှလာ ပြောတာမရှိပါဘူး။ ကျွန်တော် တို့ အသက် (၁၈) နှစ်ပြည့်ပြီး သူတွေဖြစ်လို့ ကိုယ်ပိုင်ဆုံး ဖြတ်ချက်နဲ့ပဲ မဲထည့်သွားမှာပါ"ဟု ပြောကြား သည်။
    ပြည်ထောင်စုရွေးကောက်ပွဲကော် မရှင်သည် ၂၀၂၅ ခုနှစ် ဒီဇင်ဘာ ၂၈ ရက်တွင် စတင်ကျင်းပမည့် ပါတီစုံဒီမိုကရေစီ အထွေ ထွေရွေးကောက်ပွဲ အပိုင်း(၁)တွင် ပါဝင်သည့် မြို့နယ် ၁၀၂ မြို့နယ်ကို ၂၀၂၅ ခုနှစ် သြဂုတ် ၂၀ ရက်တွင် ကြေညာချက်အမှတ်(၅၆/၂၀၂၅)ဖြင့် သတ်မှတ်ကြေညာခဲ့ပြီး ဖြစ်သည်။ ပါတီစုံ ဒီမိုကရေစီ  အထွေထွေရွေးကောက်ပွဲ အပိုင်း(၂)အား ၂၀၂၆ ခုနှစ် ဇန်နဝါရီ ၁၁ ရက် တနင်္ဂနွေ နေ့တွင် ကျင်းပမည်ဖြစ်ပြီး အပိုင်း(၂)တွင် မြို့နယ် ၁၀၀ မြို့နယ် ပါဝင်မည်ဖြစ်ကြောင်း ယနေ့ (အောက် တိုဘာ ၂၈ ရက်)တွင် ပြည်ထောင်စု ရွေး ကောက်ပွဲကော်မရှင်မှ ထုတ်ပြန်ထားသည်။ ထူးမြတ်