ရန်ကုန်၊ နိုဝင်ဘာ ၂၇
    အခြေခံပညာကျောင်းများတွင် ဘောလုံးကွင်းများ ဖော်ထုတ်ရန်နှင့် ရှိထားသည့်ကွင်းများကို ပြုပြင်မွမ်းမံရန် ပညာရေးဝန်ကြီးဌာန၊ အားက စားနှင့် လူငယ်ရေးရာ ဝန်ကြီးဌာနနှင့် မြန်မာနိုင်ငံ ဘောလုံးအဖွဲ့ချုပ် (MFF) တို့ ပူးပေါင်းဆောင်ရွက်ရန် မြန်မာနိုင်ငံဘောလုံးအဖွဲ့ချုပ်ဥက္ကဋ္ဌ ဦးဇော်ဇော်က ပြောသည်။
    မြန်မာနိုင်ငံ ဘောလုံးအဖွဲ့ချုပ်သည် FIFA Football for Schools အစီအစဉ်နှင့် ကျောင်းဘောလုံး ပြိုင်ပွဲများအား အောင်မြင်စွာ ကျင်းပနိုင်ရေးအတွက် ပညာရေးဝန်ကြီးဌာန၊ အားကစားနှင့်လူငယ်ရေးရာ ဝန်ကြီးဌာနတို့နှင့် ပူးပေါင်းဆောင်ရွက်မည့်  လူငယ်ဘောလုံး ဖွံ့ဖြိုးတိုးတက်ရေး အစည်းအဝေးတွင် အထက်ပါအတိုင်း ပြောကြားခဲ့သည်။ MFF ဥက္ကဋ္ဌက FIFA Football for Schools အစီအစဉ်နှင့် ကျောင်းများတွင် ဘောလုံးအားကစား ပိုမိုပြုလုပ်နိုင်ရေး တင်ပြဆွေးနွေးခဲ့သည်။ ကမ္ဘာ့ဘောလုံးအဖွဲ့ချုပ်၏ FIFA Football for Schools အစီအစဉ်အရ ပညာရေးဝန်ကြီးဌာနမှ နည်းပြ ဆရာ/ ဆရာမများအတွက် MFF မှ D License သင်တန်းနှင့် FIFA Application မှတစ်ဆင့် သင်ယူပို့ချရန်များ၊ ကျောင်းများအတွက် ဖီဖာမှ ဘောလုံးပံ့ပိုး မှုများ၊ ကျောင်းများတွင် ဘောလုံးအားကစား ကျယ်ပြန့်စွာ ဆောင်ရွက်ပြီး ထူးချွန်သူများ၊ ပါရမီရှင်များ အနေဖြင့် Regional Training Centre များသို့ လည်းကောင်း၊ အကယ်ဒမီများ၊ လူငယ်ပြိုင်ပွဲများသို့ လည်း ကောင်း၊ ထိုမှတစ်ဆင့် သက် တမ်းအလိုက် မြန်မာ့လက်ရွေးစင်အဖြစ် အာဆီယံ၊ အာရှပြိုင်ပွဲများ ယှဉ်ပြိုင် ၍ ဖီဖာ ယူ-၁၇ ကမ္ဘာဖလားအထိ ရောက်ရှိရန်လည်းကောင်း MFF ဥက္ကဋ္ဌက တင်ပြဆွေးနွေးခဲ့ကြောင်း သိရသည်။ 
    ဆက်လက်၍ အခြေခံကျောင်းများတွင် ဘောလုံးပြိုင်ပွဲများ ထွန်းကားရေးအတွက် လိုအပ်ချက် များဖြစ်သည့် ဘောလုံးကွင်းများ ဖော်ထုတ်ရန်နှင့် ရှိထားသည့် ကွင်းများ ပြုပြင်မွမ်းမံရေးအတွက် ပညာ ရေး ဝန်ကြီးဌာန၊ အားကစားနှင့် လူငယ်ရေးရာ ဝန်ကြီးဌာနနှင့် MFF တို့ ပူးပေါင်းဆောင် ရွက်ရန်၊ အခြေခံ ပညာကျောင်းများကို အခြေခံ၍ မြို့နယ်၊ ခရိုင်၊ တိုင်းဒေသကြီးနှင့် ပြည်နယ်အဆင့်အလိုက် လူငယ်ပြိုင် ပွဲများ ကျင်းပရန်နှင့် နည်းဗျူဟာရေးဆွဲဆောင် ရွက်ရန်၊ ဒိုင်များနှင့် ပြိုင်ပွဲကျင်းပရေးလုပ်ငန်းများ ပိုမိုကောင်းမွန်လာရေး သင်တန်းများ ကျင်းပပေးရန် ဆွေးနွေးခဲ့သည်။ ထူးမြတ်