ရန်ကုန် နိုဝင်ဘာ ၂၈
မြန်မာနိုင်ငံက အိမ်ရှင်အဖြစ်လက်ခံကျင်းပနေသော ၂၀၂၆ အာရှယူ-၁၇ အမျိုးသား ခြေစစ်ပွဲ၏ တတိယပွဲစဥ်အဖြစ် မြန်မာ့လက်ရွေးစင် ယူ -၁၇ အသင်း အနေနှင့် အုပ်စုတွင်းအင်အားကြီး အသင်းဖြစ်သောအိုမန်အသင်းကို ၂ဂိုး ဂိုးမရှိရလာဒ်ဖြင့်အနိုင်ယူခဲ့ပြီး ခြေစစ်ပွဲအောင်မြင်ရေးအလား အလာကောင်းသွားခဲ့သည်။
မြန်မာအသင်းနှင့်အိုမန်အသင်းတို့မှာ အုပ်စုတွင်းအခြားပြိုင်ဘက်အသင်းများကို ဂိုးပြတ်အနိုင်ယူထားခဲ့ပြီး ခြေစစ်ပွဲအောင်မြင်ရေးအခွင့်အလမ်း များရှိနေသဖြင့် ပြိုင်ဆိုင်မှုပြင်းထန်ခဲ့သည်။ ပထမပိုင်းတွင် အပြန်အလှန်ဖိအားပေးမှုဖြင့် ဂိုးမပေးရရေးထိန်းကစားခဲ့ကြသည်။ထိုကြောင့်ပထမပိုင်းကို ဂိုးမရှိသရေရလာဒ်ဖြင့်သာပြီးဆုံးခဲ့သည်။ ဒုတိယပိုင်းစတင်ချိန်တွင် ခြေစစ်ပွဲအောင်မြင်ရအတွက် နိုင်ပွဲလိုအပ်နေသောမြန်မာအသင်း တရစပ်ဖိအားပေးခဲ့ပြီး အသင်းခေါင်းဆောင်အောင်သီဟ၏ အဝေးကန်ချက်ဖြင့်ဦးဆောင်ဂိုးရရှိခဲ့သည်။ဦးဆောင်ဂိုးရရှိပြီး မိနစ်ပိုင်းအတွင်း အိုမန်အသင်း၏နောက်တန်းအမှားကို ညီညီသန့် ကအခွင့်အရေးယူနိုင်ခဲ့ပြီးဒုတိယဂိုးကိုထပ်မံရယူပေးနိုင်ခဲ့သည်။ဒုတိယပိုင်းတွင် အိုမန်အသင်းနောက်တန်း က မြန်မာအသင်း၏တရစပ်ဖိအားပေးမှုခံခဲ့ရသည်။
မြန်မာ အသင်းအနေနှင့် အုပ်စုတွင်းပွဲစဥ်များတွင်အာဖကန်နစ္စတန်အသင်းကို ၃ ဂိုး ၁ဂိုး၊ နီပေါအသင်းကို မြန်မာအသင်းက ၄ ဂိုး ဂိုးမရှိရလာဒ်ဖြင့်ထပ်မံအနိုင်ယူပြီး တတိယပွဲစဥ်တွင် အိုမန်အသင်းကို ၂ဂိုး ဂိုးမရှိဖြင့်ထပ်မံအနိုင်ယူခဲ့ပြီး အုပ်စုတွင်းရမှတ် ၉မှတ်ဖြင့် အုပ်စုပထမနေရာကိုရယူထားခဲ့သည်။
အုပ်စုနောက်ဆုံးပွဲစဥ်အဖြစ် မြန်အသင်းအနေနှင့်နိုဝင်ဘာ ၃၀ရက်နေ့တွင် ဆီးရီးယားအသင်းနှင့် အိမ်ကွင်းသုဝဏ္ဏတွင် ဆက်လက် ယှဥ်ပြိုင်ရမည်ဖြစ်ပြီး သရေတစ်မှတ်ရယူနိုင်ရုံဖြင့်ခြေစစ်ပွဲအောင်မြင်မည်ဖြစ်သည်။ HM
