၂၀၂၃ ၊ဒီဇင်ဘာ၂၇

နိုင်ငံတကာအရည်အသွေးမီ ပညာရေးများကို သင်ကြားပေးနေသည့် Sayar Phyo IGCSE စင်တာမှ ဒုတိယအကြိမ်မြောက် ဘွဲနှင်းသဘင်နှင့် ဂုဏ်ပြုဆုပေးအပ်ချီးမြှင့်ပွဲ အခမ်းအနားကို ရန်ကုန်မြို့ရှိ Zelax Hotel တွင် ဒီဇင်ဘာ ၂၆ ရက်နေ့တွင် ကျင်းပပြုလုပ်ခဲ့သည်။

Sayar Phyo IGCSE Centre ရဲ့ Founder & Principal ဆရာဦးဖြိုးကိုကိုဝင်းက "ဒီနေ့က ဒုတိယကြိမ်မြောက် ဘွဲ့နှင်းသဘင်အခမ်းအနား ကျင်းပတာ ဖြစ်ပါတယ်။

မနှစ်က ထူးချွန်ကျောင်းသားများစွာကို မွေးထုတ်ခဲ့ပြီးဖြစ်သလို Excellent Awards တွေရခဲ့တဲ့ ကျောင်းသူ ကျောင်းသားတွေလည်း ရှိသလို ဒီနှစ်မှာလည်း Excellent Awards ရတဲ့ ကျောင်းသားတွေလည်း ရှိပါတယ်။ ပြီးတော့ Grade 9 - Grade 10ပြီးတဲ့သူတွေကိုလည်း Certificate ပေးတာလည်း ပါတယ်။ ကျောင်းပေါင်းစုံပြိုင်ပွဲမှာ ဆုရရှိတဲ့ ကလေးတွေကိုလည်း ဆုချီးမြှင့်တဲ့ အစီအစဉ်တွေလည်း ပါပါတယ်"ဟု ပြောကြားခဲ့သည်။

ဘွဲ့နှင်းသဘင်အခမ်းအနားတွင် Year 10 (Upper Secondary Education) Completion Award ၊ Year 9 (Lower Secondary Education) Completion Award ၊ Sport Award စသည်တို့ကိုဆုများ ချီးမြှင့်ပေးခဲ့ပြီး Sayar Phyo IGCSE Centre တွင်Yangon International University College (YIUC) ကို အသစ်ထပ်မံဖွင့်လှစ်လိုက် ကြောင်းသိရသည်။

Misters of Myanmar ရဲ့ CEO & Founder ကိုဇေယံဟိန်း က " Sayar Phyo IGCSE စင်တာရဲ့ CEO ညီလေး ဖြိုးကိုကိုဝင်းက ၂၀၁၁ခုနှစ် လောက်ကတည်းက ကျွန်တော့်ရဲ့ agency က မော်ဒယ်လည်းဖြစ်တယ်။

Sayar Phyo IGCSE စင်တာက နိုင်ငံတကာ သင်ရိုးတွေနဲ့ သင်ကြားပေးနေတဲ့ ကျောင်းဖြစ်လည်း ဖြစ်တယ်။ ဒီကျောင်းကနေ အောင်မြင်သွားတဲ့ ကျောင်းသားတွေအတွက်လည်း ဂုဏ်ယူပါတယ်" ဟု ပြောကြားခဲ့သည်။ IGCSE Centre သည်၂၀၁၉ ခုနှစ်မှ စတင်ဖွင့်လှစ်ခဲ့ပြီး ၂၀၂၀ခုနှစ်တွင် Pearson Edexcel Approved Center အနေဖြင့်ရရှိခဲ့ကာ IGCSE အတန်းတွေ Pre-IGCSE အတန်းများကို အဓိကထား သင်ကြားပေးလျက်ရှိကြောင်း သိရသည်။