.jpg)
RCSS ဦးဆောင်သော တိုင်းရင်းသားလက်နက်အဖွဲ့ ၇ဖွဲ့က နစကနှင့် နေပြည်တော်တွင် အလွတ်သဘော တွေ့ဆုံမည်
၂၀၂၂ ၊ဒီဇင်ဘာ ၂NCA ရေးထိုးထားသောတိုင်းရင်းသား လက်နက်ကိုင်အဖွဲ့ ၇ဖွဲ့စုပေါင်း၍ နစကနှင့် နေပြည်တော်တွင် အလွတ်သဘောတွေ့ဆုံရန် ပြင် ဆင်နေပြီ ဖြစ်ကြောင်း ငြိမ်းချမ်းရေးဖြစ်စဉ်ဦးဆောင်မှုအဖွဲ့ (PPST) မှ သိရသည်။
ယင်းသို့တွေ့ဆုံနိုင်ရေးအတွက် အမျိုးသားစည်းလုံးညီညွတ်ရေးနှင့် ငြိမ်းချမ်းရေး ဖော်ဆောင်မှု ညှိနှိုင်းရေး ကော်မတီ (NSPNC) ထံ စာပေးပို့ထားခြင်း ဖြစ်ပြီး နစကနှင့် တွေ့ ဆုံမည့် တိုင်းရင်းသားလက်နက်ကိုင်အဖွဲ့ ၇ဖွဲ့တွင် RCSS က အဖွဲ့ခေါင်းဆောင် တာဝန်ယူပေးမည်ဖြစ်ကြောင်း PPST ပြောရေးဆိုခွင့်ရှိသူ KNU-KNLA(PC) အတွင်းရေးမှူးချုပ် ဗိုလ် မှူးကြီးစောကျော်ညွှန့်က ပြောသည်။
" အလွတ်သဘောတွေ့ဆုံဖို့ စတင်ကြိုးပမ်းတာပါ။စတင်ကြိုးပမ်းနေပါပြီ။ PPST အနေနဲ့တော့ မဟုတ်ဘူး။NCA NCA ရေးထိုးထားတဲ့ တိုင်းရင်းသားလက်နက်ကိုင်အဖွဲ့အစည်း ၇ဖွဲ့အရ အလွတ်သဘောဆွေးနွေးညှိနှိုင်းရေး အဖွဲ့ပေါ့လေ။ RCSS က ဗိုလ်မှူးကြီး စိုင်းငင်းက အဖွဲ့ခေါင်းဆောင်အနေနဲ့ ရွေးချယ်ပြီးတော့ ကမ်းလှမ်းတာပါ" ဟု ၎င်းကပြောသည်။
နစကနှင့်တွေ့ဆုံရန် ပြင်ဆင်နေသည့် တိုင်းရင်း သားလက်နက်ကိုင်အဖွဲ့အစည်း ၇ ဖွဲ့မှာ RCSS၊ NMSP၊ DKBA၊KNU-KNLA(PC) ၊ PNLO၊LDU ၊ALPတို့ဖြစ်သည်။
Total Views ~ 189
