ထိုင်းနိုင်ငံတွင် ရောက်ရှိနေသော PJ နိုင်ငံကူးလက်မှတ်ကိုင်ဆောင်ထားသည့် ရွှေ့ပြောင်း အလုပ်သမား ၁၀၀၀ ဦးနှင့်အထက်ရှိသော စက်ရုံများသို့ Mobile Taem နှစ်ဖွဲ့ခွဲကာ အလှည့်ကျစေလွှတ်လုပ်ဆောင် သက်တမ်းတိုးပေးသွားမည်ဖြစ်ကြောင်း ဇန်နဝါရီ ၁၀ ရက်တွင် ဘန်ကောက်မြို့ရှိ မြန်မာသံရုံးက ကြေညာထားသည်။
လက်ရှိတွင် နိုင်ငံကူးလက်မှတ်သက်တမ်းတိုးခြင်းကို မြန်မာသံရုံး၊ ဗန်ကောက်မြို့တွင် Mobile စက် ၄ စုံ၊ ကောင်စစ်ဝန်ချုပ်ရုံး၊ ချင်းမိုင်မြို့တွင် Mobile စက် ၁ စုံဖြင့် ဆောင်ရွက်ပေးနေသည်။
ယခုထပ်မံရောက်ရှိလာသော Mobile စက်နှစ်စုံဖြင့် ပြုလုပ်ရန်ကျန်သည့် အင်အား ၁၀၀၀ ဦးနှင့်အထက်ရှိသော စက်ရုံများသို့ Mobile Taem နှစ်ဖွဲ့ခွဲကာ အလှည့်ကျစေလွှတ်လုပ်ဆောင် ပေးသွားမည်ဖြစ်၍ စက်ရုံ၊ အလုပ်ရုံများအနေဖြင့် ၂၀၂၂ -၂၀၂၃ ဘဏ္ဍာနှစ်၌ ကုန်ဆုံးမည့် လုပ်သားများ စာရင်းကို သတ်မှတ်ပုံစံအတိုင်း ပြုစုပြီး ဇန်နဝါရီ ၂၀ ရက် နောက်ဆုံးထား၍ ကောင်စစ်တာဝန်ခံ အရာရှိ ဒေါ်ခင်မာလာဝင်းထံ ပေးပို့စေလိုကြောင်း ဇန်နဝါရီ ၁၀ ရက်တွင် ကြေညာထားသည်။
ဇန်နဝါရီ ၂၀ ရက်အထိ တင်ပြလာသော စက်ရုံ/ အလုပ်ရုံများမှ တာဝန်ရှိသူများကို ဇန်နဝါရီ ၂၃ ရက်တွင် မြန်မာသံရုံး၊ ဗန်ကောက်မြို့၌ အားလုံးတွေ့ဆုံပြီး အလှည့်ကျစနစ်ဖြင့် မဲနှိုက်ကာ ရက်သတ်မှတ်ဆောင်ရွက်မည်ဖြစ်သည်။
