၂၀၂၃ ဇွန် ၁၅

ယနေ့ နံနက်ပိုင်းအချိန်က နေပြည်တော် လယ်ဝေးမြို့နယ်အနီးမှာ စစ်ရဟတ်ယာဉ်တစ်စီး ပျက်ကျမှုဖြစ်ပွားခဲ့တယ်လို့  သိရပါတယ်။

ယနေ့ ဇွန်လ ၁၅ရက်နေ့ နံနက် ၁၀နာရီခန့်က လယ်ဝေးမြို့နယ် လယ်ဒါကြီး ကျေးရွာ အနောက်တောင်ဘက် ၅ မိုင်ခန့်အကွာ မှာ  စစ်ရဟတ်ယာဉ်တစ်စီး ပျက်ကျခဲ့တာပါ။

"မနက် ၁၀နာရီလောက်က ရဟတ်ယာဉ်တစ်စီး ပျက်ကျတာ၊ ဘာလို့ပျက်ကျလဲဆိုတာတော့ မသိဘူး"လို့ ဒေသခံတစ်ဦးက  ပြောဆိုထားပါတယ်။

စစ်ရဟတ်ယာဉ်မှာ  လေ့ကျင့်ရေးတပ်က ရဟတ်ယာဉ်ဖြစ်ပြီး လေ့ကျင့် ပျံသန်းရေးဆောင်ရွက်နေစဉ် စက်ချို့ယွင်းပြီး မတော်တဆဖြစ်တာလို့ စစ်ကောင်စီက ထုတ်ပြန်ထားပါတယ်။

ယင်းဖြစ်စဉ်ကြောင့် ရဟတ်ယာဉ်ပေါ်လိုက်ပါလာသည့် ရဟတ်ယာဉ်မှူးနဲ့ သင်တန်းသားတို့ ကျဆုံးပြီး ရဟတ်ယာဉ်လည်းပျက်စီးခဲ့တယ်လို့ ထုတ်ပြန်ချက်ထဲ ဖော်ပြထားပါတယ်။