ရန်ကုန်၊ ဇန်နဝါရီ ၂၂
    ရွှေတိဂုံစေတီတော် ဝတ္ထုကံမြေအတွင်း ဘုရားဖူးများ အဆင်ပြေစေရန် ဂေါပကအဖွဲ့က စီမံဆောင်ရွက်ထားသော ကားကွင်းလေးဘက်ရှိ ယာဉ်ဝင်ကြေးကောက်ခံသည့်နေရာ ခြောက်နေရာတွင် Car Parking Management System များ တပ်ဆင်မည်ဖြစ်ကြောင်း သိရသည်။
    ကားကွင်းလေးဘက်ရှိ ယာဉ်ဝင်ကြေးကောက်ခံသည့် နေရာခြောက်နေရာတွင် Car Parking Management System 6 Sets ဝယ်ယူ တပ်ဆင်ခြင်းလုပ်ငန်းဆောင်ရွက်မည်ဖြစ်ပြီး ယင်းလုပ်ငန်းကိုလည်း ဈေးပြိုင်စနစ်ဖြင့် ချထားပေးမည်ဖြစ်ကြောင်း ရွှေတိဂုံစေတီတော် ဘဏ္ဍာတော်ထိန်း ဂေါပကအဖွဲ့မှ အသိပေးထားပြီး လုပ်ငန်းဆောင် ရွက်လိုသူများကိုလည်း ဈေးနှုန်းအဆိုပြုလွှာ တင်သွင်းနိုင်ကြောင်း ဖိတ်ခေါ်ထားသည်။
    ဈေးနှုန်းအဆိုပြုလွှာပုံစံနှင့် စည်းကမ်းချက်တစ်စုံလျှင် ကျပ်ငါးသောင်းနှုန်း ဖြင့် ဂေါပကအဖွဲ့ရုံးတွင် ဖေဖော်ဝါရီ ၄ ရက်မှ ၆-၂-၂၀၂၅ ရက်အထိ ရုံးချိန်အတွင်း နောက်ဆုံးထား၍ ဈေးနှုန်းအဆိုပြု လွှာစည်းကမ်းချက်များ ရောင်းချပေးမည်ဖြစ်ပြီး ဖေဖော်ဝါရီ ၃ ရက်တွင် သတ်မှတ်ချိန်အတိုင်း ဈေးနှုန်းအဆိုပြုလွှာတင်သွင်းနိုင်ကြောင်း ဘဏ္ဍာတော်ထိန်းဂေါပက အဖွဲ့မှ အသိပေးကြော်ငြာထားသည်။ နဒီ